A IDENTIDADE              A IDENTIDADE.              Non fai moito tempo de que a Xunta de Galicia publicaba un fermoso libro “Palabras da terra”.belamente ilustrado con motivos e paisaxes ribeiraos maiormente dedicados aos adegueiros das denominacións de orixe que etiquetaban as botellas en galego á vez que se facía,  deste xeito, colaborar en expandir a nosa lingua galega .            A semente está botada ,e de en ano en ano, agroman os produtos galegos con etiqueta na lingua propia do noso país e xa son morea os sectores económicos comerciais que prefiren utilizar o galego como etiquetaxe de identidade,xa que nesto atopan un valor engadido tanto no mercado interior como cando son exportados ,e xa non soamente son os viños, senón que tamén as augas minerais, o mel , os produtos cárnicos, a agricultura ecolóxica, o leite, patacas, augardente ,peixe e marisco ,etc. por  que o galego ten presenza como mellor indicador de orixe, na etiquetaxe que garanta a autenticidade, decatándonos que, a nosa´lingua milenaria, antes ó contrario, non constitúe obstáculo senón que máis ben é un sinal de singularidade e diferenciación do mercado global, podendo ser recoñecidos máis facilmente  os produtos polos consumidores.    Sen dúbida, o mercado de fóra de Galicia coas etiquetas en galego poden ser entendidos como un indicador da súa excelente calidade.    Na publicidade actual de gran consumo é frecuente asociar as mercancías dun xeito que figura poderse entender  sen máis, como  que os perfumes e cosméticos de fama son franceses,, que os whiskys , a roupa e calzado deportivos  de que sexan ingleses, ou que as navallas e coitelos sexan de Taramundi, co cal estes estereotipos axudan a construír imaxes positivas de identidade o mesmo que é condutor dinamizador do espallamento e promoción do idioma galego habendo milleiros e milleiros de consumidores que sinte coa etiquetaxe a morriña e a nostalxia da paisaxe e da terriña , e os que non son dela atopan  o prestixio de tantas e tantas cousa de que saben que , para comer e beber de Galicia teñen que ser .     A etiquetaxe en galego e garante de identidade e podería aumentar o consumo e facer campaña para o resto de España.